قبل كم يوم كده شوفتها ليك طالعة من بيتهم شايله جركانة الموية وكم بقجة كده بتاعت هدوم ومعاها صحبتها التومة .. ماشين علي الترعة يغسلن وكده .. طواااالي جريت قصيت عليهم الدرب بعد طلعن من الحلة .. قلت الحقن في القنطرة .. طولت منها ياخ .. وقلبي حارقني شديد ..
اها مشيت انتظرتهم تحت شجرة الدوم الجمب الجروف حقت خالي عوضين .. اول ما قربن علي .. جسمي كلووو بقي ياكلني ياخ .. حكيت شعري ده لمن قرب يجيب دم .. بقيت زي العندي قمل .. ودم وين ياخ .. دمي اتحرق اول ما شفتها .. نشفت كررررررررر ..
قلت ليها . قم تقم مت قمن نيت قتهمل .. تهي تهتي هاهاها
قالت لي : هوي يا خليقة اجدع القصبة الفي خشمك دي واتكلم عدل
بي شفقتي داير اجدع القصبة (عنكوليب) قمت بلعتها ليك بقم .. عيوني مرقت قدر كده .. المهم من لهفتي فااتت .. شافت منظري ضحكت .. انا اتشليت طووااااالي .. وغلبني اتكلم .. غطت طرف وشها بي طرحتها وقالت لي التومة .. يلاكي يا هناية .. الزول ده ما بتغير كلو كلو .. دي المرة المليون ..
الكلام حرقني .. قلت ليها هوي يا ست البنات .. امبارح مشيت السوق بعت المحصول .. وكلمت ابوي بنجيكم في البيت بكرة الجمعة دي .. ونفطر معاكم .. برررررررردلوووب البت وقعت في الواطة .. اتكسفت وكده ياخ .. اخوكم طاااااااااار فوووق من الفرح ووقع علي يدو وكسرها ..
اهاااااااااا بعد ستة شهور تقريبا .. من الالم والمعانة من بصير لي بصير ومن شفخانة ولي مساعد طبي .. اليد كنكشت وبقت زي الكمشة بس .. تاااني قصيت ليهم في الشارع
وقفت قدامي عديل وساطتني ليك بي كف .. شفت نجوم القايلة البقولوها زاااتها .. وقالت لي :
هوي يا التلفان .. غور من قدامي هسع ولا بوريك ليهو
دموعي جرت فررررررررر .. نفسي اتقطع ..
المزيد
ـــــــــــــــــــــــــــــــــــــــــــــــــــــــــ
